அணிகள் 'ஏ' மற்றும் 'பி' பிரிவுகளாக பிரிக்கப்பட்டுள்ளன. நேற்று காலை நடந்த 'நாக் அவுட்' ஆட்டத்தில், வித்யா மந்திர் மற்றும் பவன்ஸ் பள்ளி அணிகள் எதிர்கொண்டன. டாஸ் வென்ற வித்யா மந்திர் அணி முதலில் பேட் செய்து, நிர்ணயிக்கப்பட்ட 10 ஓவர்களில் 3 விக்கெட் இழப்பிற்கு 126 ரன்கள் குவித்தது.

அடுத்து பேட் செய்த பவன்ஸ் பள்ளி, 10 ஓவர்களில் 5 விக்கெட் இழப்பிற்கு, 88 ரன்கள் மட்டுமே அடித்து, 38 ரன்கள் வித்தியாசத்தில் தோல்வியடைந்தது. வித்யா மந்திர் அணியின் வீரர் சித்தார்த்சா 27 பந்துகளில், மூன்று சிக்சர், 13 பவுண்டரிகளுடன், 80 ரன்கள் அடித்து வெற்றிக்கு உதவினார்.

மற்றொரு போட்டியில் அகர்வால் வித்யாலயா அணி முதலில் பேட் செய்து, 10 ஓவர்களில் 3 விக்கெட் இழப்பிற்கு, 121 ரன்கள் அடித்தது. அகர்வால் வீரர் சாம்ராட் 30 பந்துகளில் ஆறு சிக்சர், ஐந்து பவுண்டரிகளுடன் 65 ரன்கள் குவித்தார். கடினமான இலக்கை நோக்கி அடுத்து பேட் செய்த, கே.ஆர்.எம்., அணி, 10 ஓவர்களில் 4 விக்கெட் இழப்பிற்கு, 98 ரன்கள் மட்டுமே அடித்தது. போட்டிகள் தொடர்ந்து நடக்கின்றன.