அம்பத்துார் மண்டலம், பாடி தேவர் நகர், டி.வி.எஸ்., பிரதான சாலையில், கழிவுநீர் குழாயில் ஏற்பட்ட கசிவால் மண் அரிப்பு ஏற்பட்டு, அடுத்தடுத்து இருமுறை பள்ளம் உருவானது.

இதனால் போக்குவரத்து துண்டிக்கப்பட்டதுடன், குடிநீர் விநியோகமும் பாதிக்கப்பட்டது; குழாய் கசிவை ஊழியர்கள் சரிசெய்தனர்.

எனினும் குறைந்த அழுத்தத்தில் குடிநீர் வினியோகிக்கப்பட்டதால், சில வீடுகளுக்கு தண்ணீர் கிடைக்கவில்லை.

இதையடுத்து ஆத்திரமடைந்த அப்பகுதிமக்கள், குடிநீர் வாரிய அலுவலகத்தை நேற்று முற்றுகையிட்டனர். ஊழியர்கள் பிரச்னையைக் கண்டறிந்து சரிசெய்ததை தொடர்ந்து, மக்கள் கலைந்து சென்றனர்.