இவற்றில் காலியாக உள்ள 184 அங்கன்வாடி பணியிடங்கள், 22 குறு அங்கன்வாடி பணியிடங்கள் மற்றும் 102 உதவியாளர் பணியிடங்கள், நேரடி நியமனம் வாயிலாக நியமனம் செய்யப்பட உள்ளது.

இப்பணிக்கு தமிழ் தவறின்றி எழுத, படிக்க தெரிந்த பெண்கள் மட்டும் விண்ணப்பிக்கலாம். பிளஸ் 2 தேர்ச்சி பெற்றிருக்க வேண்டும்.

பொது பிரிவினர் 25 - 35; ஆதரவற்ற பெண்கள், எஸ்.சி., - எஸ்.டி., வகுப்பினர் 25 - 40; மாற்றுத்திறனாளிகள் 20 - 43 வயதுக்குள் இருக்க வேண்டும்.

இப்பணிக்கான விண்ணப்பம், www.icds.tn.gov.in என்ற இணையதளத்தில் இன்று முதல் பதிவிறக்கம் செய்யலாம்.

பூர்த்தி செய்த விண்ணப்பத்துடன், பள்ளி மாற்றுச்சான்றிதழ், 10ம் வகுப்பு, பிளஸ் 2 மதிப்பெண் சான்றிதழ், ரேஷன், வாக்காளர், ஆதார் அட்டைகளின் நகல் இணைக்க வேண்டும்.

விண்ணப்பங்களை, வட்டார குழந்தைகள் வளர்ச்சி திட்ட அலுவலகத்தில், வரும் 23ம் தேதி மாலை 5:00 மணிக்குள் நேரில் சென்று சமர்ப்பிக்க வேண்டும் என, சென்னை கலெக்டர் அலுவலகம் தெரிவித்துள்ளது.