சாம்சங் இந்தியா தொழிலாளர்கள் சங்கத்தை பதிவு செய்ய கோரி, சென்னை உயர் நீதிமன்றத்தில் வழக்கு தொடரப்பட்ட நிலையில், ஜன., 25ல், 'சாம்சங் இந்திய தொழிலாளர்கள் சங்கம்' அங்கிகரிக்கப்பட்டதாக, தொழிலாளர் ஆணையம் அறிவித்தது.

இந்நிலையில், சி.ஐ.டி.யு.,வில் இருந்து விலகி, நிர்வாகத்திற்கு ஆதரவான கமிட்டியில் சேர, நிர்வாகம் அழுத்தம் கொடுப்பதாக கூறி, ஜன., 31ல் பணியாளர்கள், நிர்வாக இயக்குநரை சந்திக்க அனுமதி கேட்டனர்.

இந்நிலையில், தொழிற்சாலைக்குள் கூட்டத்தை கூட்டி, பதற்றமான சூழலை உருவாக்கியதாக கூறி, நேற்று முன்தினம் இரவு பணிக்கு வந்த, தொழிற்சங்க நிர்வாகிகள் மூன்று பேரை, 'சஸ்பெண்ட்' செய்து, நிர்வாகம் கடிதம் அளித்தது.

இதை கண்டித்து, 400க்கும் மேற்பட்ட பணியாளர்கள் நேற்று, உள்ளிருப்பு போராட்டத்தில் ஈடுபட்டனர். 'மூவரின் பணி நீக்க ஆணையை திரும்ப பெறும் வரை போராட்டம் தொடரும்' என்றனர்.