மாவட்ட நிர்வாகம், போலீசார் மற்றும் தீயணைப்புத்துறையினர் ஏற்படுத்திக்கொடுத்த வழிகாட்டு நெறிமுறைகள் மற்றும் வருவாய்த்துறையினர் வகுத்துக்கொடுத்த, அறிவுரைகளை விசர்ஜனம் செய்ய வருவோர் கட்டாயம் பின்பற்றுமாறு, ஒலிபெருக்கி வாயிலாக முத்தண்ணன் குளக்கரையில் போலீசார் வேண்டுகோள் விடுத்தனர்.

அதன்படி, தீயணைப்புத்துறையினரின் மேற்பார்வையில், தன்னார்வலர்கள் உதவியுடன் ஒவ்வொரு சிலையாக விசர்ஜனம் செய்தனர். காலை முதல் மாலை வரை, 300 விநாயகர் சிலைகள் விசர்ஜனம் செய்யப்பட்டன.

இதற்காக, முத்தண்ணன் குளக்கரையோரம் அதிக ஒளி ஏற்படுத்தும் மின்விளக்குகள் பொருத்தப்பட்டிருந்தன. மாலை 6:00 மணிக்கு மேல் விசர்ஜனத்துக்கு யாரையும் போலீசார் அனுமதிக்கவில்லை.