விசாரணையில், கைப்பற்றிய இறைச்சி துண்டுகள், கண்டறியப்பட்ட புள்ளி மானின் இறைச்சி என்பது உறுதியானது. தொடர்ந்து வனத்துறையினர் விசாரணை செய்ததில் மேட்டுப்பாளையத்தை சேர்ந்த தண்டபாணி, 25, சுரேஷ், 29, நாசர் அலி, 22, பாசித்அகமது, 20, வினித்குமார், 21, முகமதுஆசாத், 22, ஆகிய ஆறு பேர், பவானி ஆற்றங்கரையில் இறந்து கிடந்த ஆண் புள்ளி மானை கண்டதும் சமைத்து சாப்பிட திட்டமிட்டு, மானின் இறைச்சியை வெட்டி எடுத்து செல்ல முயற்சித்துள்ளனர். அப்போது அங்கு ரோந்து வந்த வனப்பணியாளர்களை கண்டவுடன், இறைச்சியை சம்பவ இடத்திலேயே விட்டுவிட்டு தப்பியோடி உள்ளனர்.

இவர்கள் 6 பேரையும் நேற்று வனத்துறையினர் பிடித்தனர். பின் இவர்கள் மீது வன உயிரின குற்ற வழக்கு பதிவு செய்து, கோவை மாவட்ட வன அலுவலர் உத்தரவின் படி ரூ.50 ஆயிரம் அபராதம் விதிக்கப்பட்டது. 6 பேரும் ரூ.50 ஆயிரம் அபராத தொகையை கட்டினர். இதையடுத்து அவர்கள் விடுவிக்கப்பட்டனர்.