கிணத்துக்கடவு ஒன்றியத்தில், மக்கள் குறைகளை விரைவாக தீர்க்கும் வகையில், மக்களுடன் முதல்வர் முகாம் நடத்தப்படுகிறது. இதை தொடர்ந்து, நான்காவது முகாமாக கிணத்துக்கடவில் உள்ள தனியார் திருமண மண்டபத்தில், அரசம்பாளையம், கோடங்கிபாளையம், கொண்டம்பட்டி மற்றும் சொலவம்பாளையம் ஆகிய ஊராட்சிகளுக்கு நடந்தது.

இதில்,மாவட்ட துணை கலெக்டர் முருகேசன், கிணத்துக்கடவு தாசில்தார் கணேஷ்பாபு மற்றும் பலஅரசு துறை அதிகாரிகள் மற்றும் ஊராட்சி தலைவர்கள் பொதுமக்கள் கலந்து கொண்டனர். முகாமில், 600க்கும் மேற்பட்ட மனுக்கள் பெறப்பட்டன.