காரமடை, சிறுமுகை ஆகிய பகுதிகளில், 3000 ஏக்கருக்கு மேல் கறிவேப்பிலை பயிர் செய்யப்பட்டுள்ளது. கடந்த வாரம் வரை ஒரு கிலோ, 30 லிருந்து, 35 ரூபாய்க்கு வியாபாரிகள், தோட்டத்தில் கொள்முதல் செய்தனர். இந்த வாரம் ஒரு கிலோ, 40 லிருந்து, 45 ரூபாய் வரை, கிலோவுக்கு, 10 ரூபாய் விலை உயர்ந்துள்ளது.

கடந்த வாரம் வீசிய புயல் மற்றும் மழையால், ஆந்திராவில் கறிவேப்பிலை மகசூல் பாதிப்படைந்துள்ளது. ஆத்தூரிலும், கறிவேப்பிலை மகசூல் குறைந்துள்ளது. இதனால் காரமடை, சிறுமுகை இலைக்கு நல்ல விலை கிடைத்து வருகிறது.

வருகிற பிப்ரவரி மாதம் வரை, பனி காலம் இருக்கும் என்பதால், விலை உயர்வாக இருக்குமே தவிர, குறைய வாய்ப்பில்லை.

மேலும் இப்பகுதியில் விளையும் முதல் தரமான கறிவேப்பிலை கொச்சிக்கு அனுப்பப்படுகிறது. அங்கிருந்து விமானத்தின் வாயிலாக, வளைகுடா நாடுகளுக்கு ஏற்றுமதி செய்யப்படுகிறது.

தினமும் காரமடையில் இருந்து, 50 டன் கறிவேப்பிலை அனுப்பப்படுகிறது என்கின்றனர் விவசாயிகள்.