பொள்ளாச்சி வட்டார போக்குவரத்து அலுவலகம் மற்றும் வருவாய்துறை சார்பில், லோக்சபா தேர்தலில், 100 சதவீதம் ஓட்டுப்பதிவு செய்ய வேண்டும் என்ற விழிப்புணர்வு நிகழ்ச்சி, பஸ் ஸ்டாண்டில் நடந்தது.

சப் - கலெக்டர் கேத்திரின் சரண்யா, பஸ்களில், ஸ்டிக்கர்களை ஒட்டி விழிப்புணர்வு ஏற்படுத்தினார். மேலும், பொதுமக்களிடம் துண்டு பிரசுரங்களும் வழங்கப்பட்டன. வட்டார போக்குவரத்து அலுவலர் நாகராஜ், மோட்டார் வாகன ஆய்வாளர் கோகுலகிருஷ்ணன், வருவாய்துறை அதிகாரிகள் பங்கேற்றனர்.

அதிகாரிகள் கூறியதாவது: லோக்சபா தேர்தலில், 100 சதவீதம் ஓட்டுப்பதிவை வலியுறுத்தி பொதுமக்களிடம் விழிப்புணர்வு ஏற்படுத்தப்படுகிறது.பொதுமக்கள் கூடும் இடங்கள், கடைகள் முன்பாக, விழிப்புணர்வு பிளக்ஸ்கள் வைக்கப்பட்டுள்ளன.

கடைகளில், வழங்கப்படும் பில்களிலும், ஓட்டு அளிப்பதன் அவசியம் குறித்து வாசகங்கள் அச்சடிச்சு வழங்க அறிவுறுத்தப்பட்டுள்ளது.

ஓட்டுக்கு பணம் வாங்க வேண்டாம்; ஜனநாயக கடமை ஆற்ற வேண்டும் என பொதுமக்களிடம் வலியுறுத்தப்படுகிறது. தொடர்ந்து, லோக்சபா தேர்தலில் விழிப்புணர்வு ஏற்படுத்தப்பட்டு, 100 சதவீதம் ஓட்டுப்பதிவாக முயற்சிகள் எடுக்கப்படுகின்றன.

இவ்வாறு, கூறினர்.