இது தொடர்பாக, தென்னக ரயில்வே வெளியிட்டுள்ள அறிக்கை:

இன்று முதல் வரும் வரும் 25ம் தேதி வரை பெங்களூரு-கொச்சுவேலி வாராந்திர சிறப்பு ரயில் இயக்கப்படவுள்ளது.

கொச்சுவேலியில் இருந்து இன்று, வரும் 10, 17, 24ம் தேதிகளில் செவ்வாய்தோறும் மாலை 6:05 மணிக்கு (எண்: 06083) புறப்படும் இந்த சிறப்பு ரயில், பெங்களூருவை புதன் கிழமை காலை 10:55 மணிக்கு சென்றடையும்.

இந்த ரயில் போத்தனூரை அதிகாலை 1:58 மணிக்கும், திருப்பூரை அதிகாலை 3:15 மணிக்கும் வந்தடையும்.

பெங்களூருவில் இருந்து இயக்கப்படும் சிறப்பு ரயில் (எண்: 06084) வரும் 4, 11, 18, 25ம் தேதிகளில், புதன்தோறும் மதியம் 12:45 மணிக்கு புறப்பட்டு, கொச்சுவேலியை வியாழக்கிழமை காலை 6:45 மணிக்கு அடையும். இந்த ரயில் திருப்பூரை மாலை 6:43 மணிக்கும், போத்தனூரை இரவு 8:15 மணிக்கும் அடையும்.

இந்த ரயில், ஈரோடு, திருப்பூர், போத்தனூர், பாலக்காடு, திருச்சூர், ஆலுவா, எர்ணாகுளம், கோட்டயம், சங்கனாசேரி, திருவல்லா, செங்கனூர், மாவேலிக்கரா, காயம்குளம், கொல்லம் ரயில் நிலையங்களில் நின்று செல்லும்.