தமிழ்நாடு மாநில செஸ் சங்கம் சார்பில், 26வது ஐ.எம்., நார்ம்ஸ் குளோஸ்டு சர்க்யூட் செஸ் போட்டி, அலங்கார் ஹோட்டலில் கடந்த மாதம், 30 முதல் கடந்த, 5ம் தேதி வரை நடந்தது. இதில், இந்தியாவை சேர்ந்த ஆறு பேர், ரஷ்யா, ஸ்லோவாகியா, உஸ்பெகிஸ்தான், துர்க்மெனிஸ்தான் ஆகிய நாடுகளை சேர்ந்த தலா ஒருவர் என, 10 பேர் பங்கேற்றனர். ஒன்பது சுற்றின் முடிவில், இந்தியாவின் பார்கன்கர் அக் ஷய், 7 புள்ளிகளுடன் வெற்றி பெற்றார்.

தொடர்ந்து, 27வது ஐ.எம்., நார்ம்ஸ் குளோஸ்டு சர்க்யூட் செஸ் போட்டி அதே ஹோட்டலில் கடந்த, 7 முதல், 13ம் தேதி வரை நடந்தது.

இப்போட்டியில், பெலாரஸ் நாட்டின் எவ்ஜெனி பொடோல்சென்கோ, ஸ்லோவாகியாவின் மாணிக் மிகுலாஸ், உஸ்பெகிஸ்தானை சேர்ந்த வாகிடோவ் டாயிர், துர்க்மெனிஸ்தானின் அன்னகெல்டுவேய் ஓராஸ்லி, ரஷ்யாவின் கோசெலாக்ஷ்வி டேவிட் மற்றும் இந்தியாவை சேர்ந்த ஹர்ஷித் பவார்(டில்லி), ஸ்ரீராம் ஆதர்ஷ் உப்பாலா(தெலுங்கானா), தமிழ்நாட்டை சேர்ந்த தினேஷ் ராஜன், நந்தீஷ், சர்வேஸ்வரன் என, 10 பேர் பங்கேற்றனர்.

போட்டியின் நிறைவில், பெலாரஸ் நாட்டை சேர்ந்த எவ்ஜெனி பொடோல்சென்கோ வெற்றி பெற்றார். அதாவது, இறுதிச்சுற்றில் அவர், ஸ்லோவாகியாவின் மாணிக் மிகுலாஸ் உடன் 'டிரா' செய்தார். தெலுங்கானாவை சேர்ந்த ஸ்ரீராம் ஆதர்ஷ் உப்பாலா மற்றும் உஸ்பெகிஸ்தானை சேர்ந்த வாகிடோவ் டாயிர் ஆகியோரது ஆட்டம் டிராவில் முடிந்தது.

ஒன்பது சுற்றின் நிறைவில், பெலாரஸ் நாட்டின் எவ்ஜெனி பொடோல்சென்கோ, 6.5 புள்ளிகள், ஸ்லோவாகியாவின் மாணிக் மிகுலாஸ், 6 புள்ளிகள், ஸ்ரீராம் ஆதர்ஷ் உப்பாலா(தெலுங்கானா), 5.5 புள்ளிகள், உஸ்பெகிஸ்தானை சேர்ந்த வாகிடோவ் டாயிர், 5.5 புள்ளிகள், ரஷ்யாவின் கோசெலாக்ஷ்வி டேவிட், 5 புள்ளிகள் பெற்றனர்.

தமிழ்நாட்டை சேர்ந்த நந்தீஷ், 5 புள்ளிகள், ஹர்ஷித் பவார்(டில்லி), 4.5 புள்ளிகள், தமிழ்நாட்டை சேர்ந்த தினேஷ் ராஜன், 4 புள்ளிகள், சர்வேஸ்வரன், 2.5 புள்ளிகள், துர்க்மெனிஸ்தானின் அன்னகெல்டுவேய் ஓராஸ்லி, 0.5 புள்ளிகள் பெற்றிருந்தனர். வெற்றி பெற்றவர்களுக்கு ஈரோட்டை சேர்ந்த கிராண்ட் மாஸ்டர் இனியன் பரிசுகள் வழங்கினார். தமிழ்நாடு மாநில சதுரங்க சங்க தலைவர் மாணிக்கம் உள்ளிட்டோர் உடனிருந்தனர்.