பொள்ளாச்சி கடைவீதி கரிவரதராஜப்பெருமாள் கோவிலில், 48வது ஆண்டு பிரமோத்ஸவ விழா, கடந்த, 15ம் தேதி கொடியேற்றத்துடன் துவங்கியது. கடந்த, 15ம் தேதி முதல், நேற்று வரை தினமும் காலை மற்றும் மாலையில் ஒவ்வொரு வாகனத்திலும் ஒவ்வொரு அலங்காரத்தில் பெருமாள் திருவீதி உலா செல்லும் நிகழ்ச்சிகள் நடைபெற்றன.

நேற்று முன்தினம் மாலை ஸ்ரீதேவி, பூதேவி சமேத கரிவரதராஜப்பெருமாள் திருக்கல்யாண உற்சவம் நடந்தது. அதில், திரளான பக்தர்கள் பங்கேற்று திருக்கல்யாண உற்சவத்தை கண்டுகளித்தனர்.

இன்று காலை, 6:00 மணிக்கு மேல், 7:15 மணிக்குள் தேரில் ஏளப்பண்ணுதல், வடம்பிடித்தல் மற்றும் மாலை, 6:00 மணிக்கு தேரில் சிறப்பு அலங்காரத்தில் தாயாருடன் பெருமாள் திருவீதி உலா செல்லும் நிகழ்ச்சி நடக்கிறது.

நாளை, (24ம்தேதி) காலை, 6:00 மணிக்கு தீர்த்தவாரி, மாலை, 3:00 மணிக்கு துவாதச ஆராதனம் கண்டருலுதல், மாலை, 6:00 மணிக்கு புஷ்ப பல்லக்கு திருவீதி உலா, 25ம் தேதி காலை, 7:00 மணிக்கு விடையாற்றி நிகழ்ச்சியுடன், பிரமோத்ஸவ விழா நிறைவு பெறுகிறது.