கே.எம்.சி.எச்., நிர்வாகத்தினர் கூறியதாவது:

பெண்களுக்கு சாதாரணமாக மாதவிடாய் பிரச்னை இருந்தாலும், அதை அலட்சியப்படுத்தக்கூடாது. மாதவிடாய் சமயத்தில் சிலருக்கு அதிக வலி, அதிகளவில் உதிரப்போக்கு இருக்கும். சிலருக்கு சிறுநீர், மலம் கழிப்பதில் சிரமம், அடிவயிற்றில் எப்போதும் நிறைந்திருப்பது போன்ற உணர்வு இருப்பது போன்றவை கர்ப்பப்பை கட்டிக்கான அறிகுறிகளாகும்.

இது ஒரு புற்றுநோய் அல்லாத சாதாரணமான கட்டிதான். இருப்பினும், மாதவிடாய் பிரச்னைகளால் இதை அகற்ற வேண்டிய கட்டாயம் ஏற்படலாம். எனவே, சிறிய பிரச்னையாக இருந்தாலும், அதை தீர்க்க முயற்சிக்க வேண்டும். அப்போதுதான் எவ்வித தொந்தரவும் இருக்காது.

உடலில் உள்ள ஒவ்வொரு உறுப்பும் அவசியமானது. கர்ப்பப்பையில் பிரச்னை என்றால், அதை அகற்றி விடலாம் என்ற எண்ணம் ஏற்படலாம். தழும்புகள் இன்றி, சிகிச்சை மேற்கொண்ட சுவடே தெரியாமல், ஆஞ்சியோகிராம் முறையில் இதை குணப்படுத்த முடியும்.

கோவை மெடிக்கல் சென்டரில் இதற்கான சிகிச்சை அளிக்கப்படுகிறது. கர்ப்பப்பை கட்டியால் ஏற்படும் மாதவிடாய் பிரச்னைகளுக்கு அறுவை சிகிச்சையின்றி, எளிய சிகிச்சை இங்கு அளிக்கப்படுகிறது. இதற்கான அதிநவீன கருவிகள், வசதிகள் உள்ளன. மருத்துவமனை கதிர்வீச்சியல் துறையில் வரும் 31ம் தேதி வரை, ஞாயிறு மற்றும் பொது விடுமுறை நாட்கள் தவிர பிற நாட்களில், தினமும் காலை, 9:00 முதல் பிற்பகல், 3:00 மணி வரை கர்ப்பப்பை கட்டி கண்டறியும் முகாம் நடக்கிறது. சலுகை கட்டணத்தில் பரிசோதனை மேற்கொள்ளப்படுகிறது; மருத்துவரின் ஆலோசனையும் வழங்கப்படுகிறது.

முன்பதிவு மற்றும் மேலும் விவரங்களுக்கு, 74188 87411 என்ற மொபைல் போன் எண்ணில் தொடர்பு கொள்ளலாம்.

இவ்வாறு, அவர்கள் தெரிவித்தனர்.