பீர் பாட்டிலால் 'டமார்'

கோவை, தெற்கு உக்கடம், புல்லுக்காடு ஹவுசிங் யூனிட்டை சேர்ந்தவர் பாலகிருஷ்ணன்,33; கட்டுமான பணியாளர். நேற்று முன்தினம் இரவு, 7:00 மணிக்கு இவர் லங்கா கார்னர் அருகே குடிபோதையில் நின்றிருந்தார். அங்கு வந்த ஏற்கனவே இவருக்கு தெரிந்த சிவகங்கை மாவட்டத்தை சேர்ந்த செந்தில்,35, குடிப்பதற்கு பணம் கேட்டுள்ளார். தர மறுத்த பாலகிருஷ்ணனின் தலையில், பீர் பாட்டிலால் செந்தில் தாக்கியுள்ளார். காயமடைந்த அவர் கோவை அரசு மருத்துவமனையில் சேர்க்கப்பட்டார். இவர் அளித்த புகாரின் பேரில், உக்கடம் போலீசார் செந்திலை கைது செய்து சிறையில் அடைத்தனர்.