கோவை மாவட்ட கிரிக்கெட் சங்கம் சார்பில், ஆறாவது டிவிஷன் கிரிக்கெட் லீக் போட்டி, பி.எஸ்.ஜி., ஐ.எம்.எஸ்., 'சி' மைதானத்தில் நடந்தது. இப்போட்டியில், கோவை புளூ நைட்ஸ் அணி மற்றும் கோவை மாவட்ட கிரிக்கெட் சங்கம் ஜூனியர் கோல்ட்ஸ் அணிகள் மோதின.

முதலில் பேட்டிங் செய்த, கோவை புளூ நைட்ஸ் அணி 50 ஓவர்களில், 9 விக்கெட் இழப்புக்கு, 322 ரன்களை சேர்த்தது. பூரண சந்திரன் 42 ரன்களையும், விஷ்ணு ராம் 41 ரன்களையும், சச்சிதானந்தம் 45 ரன்களையும், ஷஷாங்க் 44 ரன்களையும், லோகேஷ்வரன் 50 ரன்களையும் எடுத்தனர்.

அடுத்து களம் இறங்கிய, கோவை மாவட்ட கிரிக்கெட் சங்கம் ஜூனியர் கோல்ட்ஸ் அணி, 39.1 ஓவர்களில், 117 ரன்களை எடுத்து தோல்வி அடைந்தது.

இந்த அணியை சேர்ந்த, சந்திரசேகர் மற்றும் கார்த்திக் தலா 3 விக்கெட்டுகளை கைப்பற்றினர். அதே போல கோவை புளூ நைட்ஸ் அணியை சேர்ந்த சேரலாதன், 4 விக்கெட்டுகளை கைப்பற்றினார்.