இந்த குப்பைகளை சுத்தம் செய்யும் பணிகளில், மேட்டுப்பாளையம் குமரன் கலை மற்றும் அறிவியல் கல்லூரி நாட்டு நலப்பணித்திட்ட மாணவ, மாணவியர் பங்கேற்றனர். ஊட்டி, கோத்தகிரி சாலைகளின் ஓரத்தில் கிடந்த பிளாஸ்டிக் கேரி பேக்குகள், ஒரு முறை பயன்படுத்திய டம்ளர்கள், கண்ணாடி பாட்டில்கள், பாலிதீன் கவர்கள் மற்றும் குப்பைகளை சேகரித்தனர். இவர்கள் 20க்கும் மேற்பட்ட மூட்டைகளில் குப்பைகள் மது பாட்டில்களை சேகரித்தனர்.

இவர்களுடன் மேட்டுப்பாளையம் வனச்சரக அலுவலர் ஜோசப் ஸ்டாலின், வனவர் சிங்காரவேலு உட்பட வனப் பணியாளர்கள், வேட்டை தடுப்பு காவலர்கள் பங்கேற்றனர். இதற்கான ஏற்பாடுகளை கல்லூரி நாட்டு நலப்பணித்திட்ட அலுவலர் பத்மாவதி செய்திருந்தார்.