மண் சட்டியில் நல்லெண்ணெய் ஊற்றி அதில் கடுகு, வெந்தயம் சேர்க்கவும். பின்பு பொடியாக நறுக்கிய சின்ன வெங்காயம், முழு சின்ன வெங்காயம், பூண்டு பற்கள் சேர்த்து வெங்காயம் பொன்னிறமாகும் வரை, பத்து நிமிடம் வதக்கவும்.

பிறகு பச்சை மிளகாய், கறிவேப்பிலை சேர்க்கவும். பின்பு இஞ்சி பூண்டு விழுது சேர்த்து கலந்து, நறுக்கிய தக்காளி சேர்த்து வதக்கவும்.

பிறகு கல் உப்பு, மிளகாய் துாள், தனியா துாள் சேர்த்து கலந்துவிடவும். கெட்டியான புளி கரைசல் சேர்த்து கலந்துவிட்டு, தண்ணீர் ஊற்றி கலந்து ஐந்து நிமிடம் கொதிக்க விடவும்.

பின்பு ஊறவைத்த மீன் துண்டுகளை சேர்க்கவும். பாத்திரத்தை மூடி பத்து நிமிடம் மிதமான தீயில் வேகவிடவும்.கடைசியாக நறுக்கிய கொத்தமல்லி இலை சேர்த்து இறக்கினால், அட்டகாசமான வஞ்சரம் மீன் குழம்பு தயார்.