கோவையில் கடந்த சில நாட்களாக, தொடர்மழை பெய்து வருகிறது. இதனால் சாலைகளில் மழைநீர் ஓடியதில், பல்வேறு பகுதிகளில் தார்ச்சாலைகள் பெயர்ந்து, சிறிய அளவிலான பள்ளங்கள் ஏற்பட்டுள்ளன.

ரெட்பீல்ட்ஸ், காமராஜர் சாலையில் தார் சாலை பெயர்ந்து குண்டும், குழியுமாக இருந்தது. இதனால் வாகன ஓட்டிகள் அவதியடைந்தனர்.

இதனை அறிந்த ரேஸ்கோர்ஸ் போக்குவரத்து போலீஸ் எஸ்.ஐ., சுவாதி, போலீசார் கார்த்தி, உதயகுமார் ஆகியோர், கான்கிரீட் கலவை போட்டு சாலையை சீரமைத்தனர்.

போக்குவரத்து போலீசாரின் இந்த செயலை, வாகன ஓட்டிகள் பாராட்டி வருகின்றனர்.