- செல்வி, எட்டிமடை.

குடியிருப்பில் அசுர வேகம்

கோல்டுவின்ஸ், ஏழாவது வார்டு, துரைசாமி நகரில், குறுகலான சாலையில் அதிகளவில் கனரக வாகனங்கள் செல்கின்றன. சோதனையை தவிர்க்க, குடியிருப்பு பாதையில் செல்லும் இந்த வாகனங்களால், அடிக்கடி விபத்து நடக்கிறது.

- பிரகாஷ், கோல்டுவின்ஸ்.

வீணாகும் தண்ணீர்

பாலக்காடு மெயின் ரோடு, குனியமுத்துார் நெல்லை முத்து விலாஸ் கடை எதிரே, சாந்தி சிக்கன் கடை அருகே, மின்கம்பத்தின் அடியில் குடிநீர் குழாய் உடைந்து ஒரு வாரத்துக்கு மேல், தண்ணீர் வீணாகிறது.

- சேகர், குனியமுத்துார்.

கால்வாயை மூடிய கழிவுகள்

தெலுங்குபாளையத்தில், பிரதான வாய்க்கால் பல மாதங்களாக துார்வாரவில்லை. கழிவுகள், பிளாஸ்டிக் குப்பை நிரம்பி, புதர்மண்டி கிடக்கிறது. கழிவுநீர் தேங்கி நிற்பதால் கடும் துர்நாற்றம் வீசுகிறது. மழைபெய்யும் போது, தண்ணீர் செல்ல முடியாதநிலையில் உள்ளது.

- கதிர்வேல், தெலுங்குபாளையம்.

சாலையில் இடையூறு

போத்தனுார், எம்.ஜி.ஆர்.நகர், புதிய வீதி விரிவாக்கத்தில், சாக்கடை கால்வாய் துார்வாரிய பின்பு, கழிவுகள் சாலையிலேயே விடப்பட்டுள்ளது. துர்நாற்றம் வீசுவதுடன், வாகனங்கள் செல்வதற்கும் இடையூறாக உள்ளது.

- சத்யநாராயணன், போத்தனுார்.

குப்பைமேடான ரிசர்வ் சைட்

குனியமுத்துார், 87வது வார்டு, கஸ்துாரி நகரில், ரிசர்வ் சைட்டில் பூங்கா அமைக்க பல ஆண்டுகளாக வலியுறுத்தியும் நடவடிக்கையில்லை. சிலர் கார்களை நிறுத்துவதுடன், கழிவுகளையும் வீசிச்செல்கின்றனர்.

- ஜெலினா, கஸ்துாரி நகர்.

சேதமடைந்த கம்பம்

கள்ளிமடை, 61வது வார்டு, திருநகர், சென்ட்ரல் ஸ்டூடியோ அருகே, இரண்டாவது வீதியில் உள்ள, 'எஸ்.பி - 4, பி -2' என்ற எண் கொண்ட கம்பம், மோசமாக சேதமடைந்துள்ளது. கான்கிரீட் கம்பம் முழுவதும் விரிசல்களாக காணப்படுகிறது. சேதமடைந்த கம்பத்தை மாற்ற வேண்டும்.

- சத்யா, கள்ளிமடை.

அதிகரிக்கும் விபத்துகள்

ஜி.சி.டி., கல்லுாரி முதல், இடையர்பாளையம் வரை போடப்பட்ட புதிய தார் சாலை தரமின்றி உள்ளது. இரண்டு மாதங்களுக்கு முன்பு போடப்பட்ட இந்த சாலையில், ஆங்காங்கே பள்ளம் ஏற்பட்டுள்ளது. ஒப்பந்ததாரர் மீது நடவடிக்கை எடுக்க வேண்டும்.

- செல்வி, இடையர்பாளையம்.

அடிப்படை வசதிகளின்றி தவிப்பு

பேரூர், தாளியூர், கலிக்கநாயக்கன்பாளையம், சி.பி.சி., கார்டன், பேஸ் - 3 குடியிருப்பு பகுதியில், கடந்த இரண்டு ஆண்டுகளாக, அடிப்படை வசதிகள் அமைக்க முறையிட்டும் நடவடிக்கையில்லை. குழாய் அமைத்த பின்னரும், தண்ணீர் விநியோகிக்கவில்லை. தெருவிளக்கு மற்றும் சாலை வசதிகளின்றி மக்கள் தவிக்கின்றனர்.

- சங்கர், பேரூர்.

அடிக்கடி காய்ச்சல்

மதுக்கரை, 17வது வார்டு, மிலிட்டரி கேம்ப் எதிர்புறம், ஐந்தாவது வீதியில், சாக்கடை வசதியில்லை. இதனால், வீடுகளிலிருந்து திறந்தவெளியில் கழிவுநீர் விடப்படுகிறது. சுகாதாரமின்மையால் குழந்தைகளுக்கு அடிக்கடி காய்ச்சல் போன்ற பாதிப்புகள் ஏற்படுகின்றன.

- சதீஷ், மதுக்கரை.