கே.பி.ஆர்., இன்ஜி., மற்றும் தொழில்நுட்ப கல்லுாரியின் உடற்கல்வித்துறை சார்பில், பள்ளி மாணவர்களுக்கான விளையாட்டு போட்டிகள் நடத்தப்பட்டன.

போட்டிகளை கே.பி.ஆர்., இன்ஜி., கல்லுாரி முதல்வர் சரவணன் துவக்கி வைத்தார். இதில் மாணவ - மாணவியருக்கு வாலிபால், கூடைப்பந்து, த்ரோபால், கோ கோ, பூப்பந்து, ஹேண்ட்பால், கபடி, கால்பந்து ஆகிய போட்டிகள் நடத்தப்பட்டன.

இப்போட்டிகளில் 80 பள்ளிகளை சேர்ந்த 1700 மாணவ மாணவியர் பங்கேற்றனர்.

இதன் மாணவர் பிரிவு கால்பந்து அரையிறுதியில், மணி மேல்நிலைப்பள்ளி அணி 1 - 0 என்ற கோல் கணக்கில் தசரதன் பள்ளியையும், ஸ்டேன்ஸ் பள்ளி அணி 2 - 0 என்ற கோல் கணக்கில் எஸ்.எஸ்.வி.எம்., பள்ளியையும் வீழ்த்தின.

மாணவியர் கூடைப்பந்து இறுதிப்போட்டியில், கிருஷ்ணம்மாள் பள்ளி அணி 33 - 31 என்ற புள்ளிக்கணக்கில், சுகுணா பள்ளி அணியை வீழ்த்தியது.

மாணவர் பிரிவு அரையிறுதியில் சுகுணா பள்ளி அணி 40 - 39 என்ற புள்ளிக்கணக்கில் நேஷனல் மாடல் பள்ளியையும், பெர்க்ஸ் பள்ளி அணி 62 - 42 என்ற புள்ளிக்கணக்கில் ஸ்டேன்ஸ் பள்ளியையும் வீழ்த்தின.