அன்னுார் அருகே காட்டம்பட்டி முதலிபாளையம், கடத்துார் குளக்கரையில் துண்டுதடி கருப்பராயன் மற்றும் கன்னிமார் சுவாமி கோவில் உள்ளது. இக்கோவிலில் திருப்பணிகள் செய்து முடிக்கப்பட்டன. கும்பாபிஷேக விழா ஜூன் 2ம் தேதி மஹா கணபதி, லட்சுமி ஹோமத்துடன் துவங்குகிறது.

மாலை, 5:00 மணிக்கு முளைப்பாளிகையை ஊர்வலமாக கோவிலுக்கு எடுத்து வந்து, புண்யாகவாசனம், பஞ்சகவ்யம், வாஸ்து சாந்தி ஆகிய பூஜைகள் நடக்க உள்ளன. அதைத் தொடர்ந்து இரவு, முதல் கால யாக வேள்வி பூஜை துவங்குகிறது. அதன்பின் அஷ்டபந்தன பிரதிஷ்டை செய்கின்றனர்.

மூன்றாம் தேதி காலை, 5:00 மணிக்கு இரண்டாம் கால யாக வேள்வி பூஜை முடிந்த பின், யாகசாலையில் இருந்து, காலை, 6:00 மணிக்கு தீர்த்த கலசங்கள், கோவிலை சுற்றி எடுத்து வந்து, துண்டுதடி கருப்பராயன் மற்றும் கன்னிமார் சுவாமிக்கு புனித நீர் ஊற்றி, கும்பாபிஷேகம் நடக்க உள்ளது.

ஏற்பாடுகளை விழாக்குழுவினர், ஊர் பொதுமக்கள் செய்து வருகின்றனர்.