கும்பாபிஷேக விழா வருகிற 17ம் தேதி காலை விநாயகர் வேள்வியுடன் துவங்குகிறது. மாலையில் பழனி ஆண்டவர் கோவிலில் இருந்து தீர்த்த குடம் எடுத்துச் செல்லும் நிகழ்ச்சி நடக்கிறது. இரவு முதற்கால வேள்வி பூஜை நடக்கிறது.

வரும் 18ம் தேதி காலை இரண்டாம் கால வேள்வி பூஜையும், விமான கோபுர கலசங்கள் நிறுவுதலும் நடக்கிறது. இரவு அனுப்பப்பட்டி பழனிச்சாமி வள்ளி முருகன் குழுவின் திருக்குறள் கும்மியாட்டம் நடக்கிறது. வரும் 19ம் தேதி அதிகாலையில் நான்காம் கால வேள்வி பூஜை நடக்கிறது.

காலை 7:00 மணிக்கு மாகாளியம்மன் மற்றும் விமானத்திற்கும், இதையடுத்து மாரியம்மனுக்கும் புனித நீர் ஊற்றி கும்பாபிஷேகம் செய்யப்படுகிறது. எல்லப்பாளையம் குழுவின் பஜனை நடக்கிறது. இரவு ஆசிரியர் கனகராஜின் சங்கமம் கலைக்குழுவின் ஒயிலாட்டம் நடக்கிறது. பக்தர்கள் பங்கேற்று இறையருள் பெற விழா குழுவினர் அழைப்பு விடுத்துள்ளனர்.