அதன்படி, இன்று, 2 மி.மீ., நாளை 3 மி.மீ., 3ம் தேதி 2 மி.மீ., மழை பதிவாக வாய்ப்புள்ளது. அதிகபட்ச வெப்பநிலை, 30--32 டிகிரி செல்சியஸ் ஆகவும், குறைந்தபட்ச வெப்பநிலை 21--22 டிகிரி செல்சியஸ் ஆகவும் பதிவாகும்.

காலை நேர காற்றின் ஈரப்பதம் 80 சதவீதமும், மாலை நேர காற்றின் ஈரப்பதம் 50 சதவீதமாகவும் பதிவாக வாய்ப்புள்ளது. சராசரியாக காற்று மணிக்கு, 18 கி.மீ., வேகத்தில் வீசக்கூடும்.

மேற்குத் தொடர்ச்சி மலையை ஒட்டியுள்ள பகுதிகளில், மிதமான மழை எதிர்பார்க்கப்படுகிறது. எதிர்பார்க்கப்படும் மழையைப் பயன்படுத்தி, இறவையில் மக்காச்சோளத்தை விதைக்கும் முன் இமிடாகுளோபிரிட் மருந்தை, ஒரு கிலோ விதைக்கு 10 கிராம் என்ற அளவில் பயன்படுத்தி விதை நேர்த்தி செய்து, பின் விதைக்கவும்.

மக்காச்சோளம் விதைத்த மூன்று நாட்களுக்குள், அட்ரசின் என்ற முளைக்கும் முன் தெளிக்கும் கலைக் கொல்லியை, ஏக்கருக்கு 400 கிராம் அளவில் 200 லிட்டர் நீரில் கலந்து தெளிக்க வேண்டும் என, அறிவுறுத்தப்பட்டுள்ளது.