கால்நடைகளுக்கு, கால்நடை மருத்துவர், ஆய்வாளர் மற்றும் உதவியாளர் கொண்ட குழு வாயிலாக, கோமாரி நோய் தடுப்பூசி, போடப்பட்டு வருகிறது. இதில், நெகமம், மெட்டுவாவி மற்றும் சுற்று பகுதிகளில் உள்ள கால்நடைகளுக்கு, கடந்த 10ம் முதல் கோமாரி நோய் தடுப்பூசி போடப்பட்டு வருகிறது. இதில், 4 மாத கன்று முதல் மாட்டுக்கு தடுப்பூசி போடப்படுகிறது.

இதுகுறித்து, கால்நடை மருத்துவர் கார்த்திகேயன் கூறுகையில், ''மெட்டுவாவி மற்றும் சுற்று பகுதிகளில் உள்ள கால்நடைகளுக்கு, 5ம் கட்ட கோமாரி நோய் தடுப்பூசி போடப்படுகிறது. இப்பகுதியில், 2 ஆயிரத்துக்கும் மேற்பட்ட கால்நடைகள் உள்ளது.

தற்போது வரை, 300 மாடுகளுக்கு ஊசி செலுத்தப்பட்டுள்ளது. மேலும், கால்நடை வைத்திருக்கும் விவசாயிகளுக்கு, பராமரிக்கும் முறைகள் மற்றும் ஆலோசனைகள் வழங்கி, விழிப்புணர்வும் ஏற்படுத்தப்படுகிறது,'' என்றார்.