சிறப்பு நிகழ்வாக, கடல் வாழ் உயிரினங்கள், அவற்றின் சூழல் சமநிலை, வாழிடங்கள், தகவமைப்புகள், இடம்பெயர்வுகள், வாழ்க்கை சுழற்சி, மனித இனத்திற்கும் கடல் வாழ் உயிரினத்திற்கும் உள்ள தொடர்புகள், காலநிலை மாற்றம், அதன் வாயிலாக மனிதர்களால் ஏற்படும் தீங்குகள் குறித்து ஆசிரியர் சத்தியா பேசினார்.

* தொப்பம்பட்டி அரசு நடுநிலைப் பள்ளியில், அறிவியல் கண்காட்சி இடம்பெற்றது. தலைமையாசிரியர் கணேசன் தலைமை வகித்தார். முன்னாள் ஒன்றியக்குழு உறுப்பினர் தங்கமணி, பள்ளி மேலாண்மைக் குழு தலைவர் அய்யம்மாள் ஆகியோர் முன்னிலை வகித்தனர்.

கண்காட்சியில், ஒன்று முதல் எட்டாம் வகுப்பு மாணவர்களின் படைப்புகள், காட்சிக்காக வைக்கப்பட்டிருந்தது. குறிப்பாக, காற்றழுத்தமானி, காற்றாலை மின் உற்பத்தி, மின் துாக்கி, மின்விசிறி, எளிய மின்சுற்றுகள், எரிமலை, மழைநீர் சேகரிப்பு என, பல்வேறு தலைப்புகளில் கீழ் இடம்பெற்றிருந்த படைப்புகள், அனைவரிடையே ஆச்சர்யத்தை ஏற்படுத்தியது.

ராசக்காபாளையம் துவக்கப் பள்ளி மாணவர்களும் கண்காட்சியை பார்வையிட்டனர். ஆசிரியர்கள் உட்பட பலர் கலந்து கொண்டனர்.