சென்னை அரும்பாக்கம் டி.ஜி.வைஷ்ணவா கலை அறிவியல் கல்லுாரியில், 'ஒலிம்பியாடு' கோப்பைக்கான வாலிபால் போட்டி, இரு நாட்கள் நடந்தது. இதில், தமிழகத்தின் சிறந்த எட்டு கல்லுாரி அணிகள் கலந்து கொண்டன.

லீக் மற்றும் நாக்-அவுட் முறையில் போட்டி நடந்தது. அரையிறுதி போட்டியில் பனிமலர் பொறியியல் கல்லுாரி அணியை, 3-2 என்ற செட் கணக்கில் கற்பகம் பல்கலை அணி வென்றது. தொடர்ந்து நடந்த இறுதிப்போட்டியில், லயோலா அணியை எதிர்கொண்டது. பரபரப்பான ஆட்டத்தில், 3-0 என்ற செட் கணக்கில் வெற்றி பெற்று, கற்பகம் பல்கலை முதல் இடத்தை பிடித்தது. வெற்றி பெற்ற அணியினரை, கற்பகம் கல்வி குழும தாளாளர் வசந்தகுமார், முதன்மை கல்வி இயக்குனர் முருகையா, உடற்கல்வி இயக்குனர் சுதாகர் உள்ளிட்டோர் பாராட்டினர்.