கோவை மாவட்டத்தின் அருகில் உள்ள ஊட்டிக்கு, கோடை விடுமுறையில் குடும்பத்துடன் அதிகளவிலான மக்கள் செல்கின்றனர். இதனால், ஊட்டி, குன்னுார் உள்ளிட்ட சுற்றுலா பகுதிகளில் மக்கள் கூட்டம் அலைமோதுகிறது.

வெளிமாவட்டங்கள், வெளிமாநிலங்களில் இருந்தும் சுற்றுலா வருகின்றனர். இதனால், மாவட்ட நிர்வாகம், இ-பாஸ் முறையை நடைமுறைப்படுத்தியுள்ளது. இந்நிலையில்,கோவை - மேட்டுப்பாளையம் சாலை சாய்பாபாகோவில் அரசு போக்குவரத்துக் கழகம் எதிரிலுள்ள பஸ் ஸ்டாண்டில் இருந்து நேற்று முதல் மலர் கண்காட்சிக்கு, ஊட்டிக்கு 40 சிறப்பு பஸ்கள் இயக்கப்படுகிறது.

பெரும்பாலான பயணியர் இ-பாஸ் கெடுபிடிகளிலிருந்து தப்பிக்க பஸ்சில் செல்வர். இதனால், அதிக எண்ணிக்கையிலான பயணியர் செல்வர் என்று எதிர்பார்க்கப்படுகிறது.