திருப்பூர் மாநகர, ஊரகப்பகுதியில், மழைநீர் சேகரிப்பு கட்டமைப்பை கண்காணித்து, முறைப்படுத்த நடவடிக்கை எடுக்க வேண்டிய உள்ளாட்சி நிர்வாகங்கள், இதுகுறித்து அக்கறை காட்டாமல் உள்ளன. மாநிலத்தில், தண்ணீர் பற்றாக்குறையை சமாளிக்கவும், நிலத்தடி நீர் ஆதாரத்தை பெருக்கவும், அரசு அலுவலகங்கள் முதற்கொண்டு அனைத்து வீடுகள், வணிக நிறுவனங்களிலும், மழைநீர் சேகரிப்பு கட்டமைப்பு ஏற்படுத்த வேண்டும் என, அரசு அறிவுறுத்தி வருகிறது.

பெரும்பாலான அரசு அலுவலகங்களில் அமைக்கப்பட்ட மழைநீர் சேகரிப்பு கட்டமைப்பு, பராமரிப்பின்றி, 'கணக்கு' காண்பிக்கும் வகையில் மட்டுமே உள்ளது.

மழைநீரை சேமித்து வைக்கவும், நிலத்தடி நீரை அதிகரிக்கவும், உள்ளாட்சி நிர்வாகங்கள் நடவடிக்கை எடுக்க வேண்டும். இதனை மாவட்ட நிர்வாகம் ஊக்குவிக்க வேண்டும்.

- நமது நிருபர்-