போத்தனுார் ரயில் பயனாளர்கள் நலச்சங்க பொதுச்செயலாளர் சுப்ரமணியன் கூறியதாவது:

கோவையில் ஏற்கனவே மெமு ரயில் பெட்டிகளுக்கு கடும் பற்றாக்குறை நிலவுகிறது. கடந்த காலங்களில் கோவையில் இருந்து சேலத்துக்கும், திண்டுக்கல் வரையும் மெமு ரயில்கள் இயக்கப்பட்டன.

இரண்டு ஆண்டுகளுக்கு முன்பு அச்சேவைகள் நிறுத்தப்பட்டன. மேட்டுப்பாளையம் ‘மெமு’ ரயிலுக்கு ஏற்கனவே பயன்படுத்தப்பட்ட 8 பெட்டிகளை சென்னைக்கு திருப்பி அனுப்பாமல், கோவையில் இருந்து பொள்ளாச்சி, பழநி வழியாக திண்டுக்கல் அல்லது  சேலத்துக்கு புதிய மெமு ரயில் சேவையை அறிமுகப்படுத்த வேண்டும். இதுகுறித்து சேலம் ரயில்வே கோட்டத்திடம் முறையிட்டுள்ளோம்.

இவ்வாறு, அவர் தெரிவித்துள்ளார்.