ராம்நகர் கோதண்டராமர் கோவிலில் கடந்த ஏப்.,8ல் திருமஞ்சனம், சாந்தி ஹோமத்துடன் ஸ்ரீ ராமநவமி உற்சவம் துவங்கியது.

ஏப்., 15ல் சுவாமிக்கு திருக்கல்யாண உற்சவம் நடந்தது. குதிரை வாகனத்தில் சுவாமி திருவீதி உலா வந்து, பக்தர்களுக்கு அருள்பாலித்தார்.

ஸ்ரீ ராமநவமியான நேற்று காலை 7:00 மணிக்கு சதுஸ்தானார்ச்சனம், மஹாபூர்ணாஹூதி, 12:00 மணிக்கு தீர்த்தவாரி, துவாதசாராதனம், இரவு 7:00 மணிக்கு, புஷ்பகவிமானம் புறப்பாடு, கொடி இறக்குதல் ஆகியவை நடந்தது. திரளான பக்தர்கள் சுவாமி தரிசனம் செய்தனர்.