நீண்ட நேரமாகியும் சிறுவர்கள் வீடு திரும்பாததால், சந்தேகமடைந்த மிதுன்ராஜின் தாய் தெய்வநாயகி, குடிமங்கலம் போலீசாரிடம் புகார் அளித்தார். வழக்குப்பதிவு செய்த போலீசார் இரு சிறுவர்களையும் தேடினர்.

நேற்று, கோமங்கலம் பகுதியில் தனியாருக்கு சொந்தமான குட்டை ஒன்றில், இரு சிறுவர்கள் சடலமாக கிடப்பதாக, கோமங்கலம் போலீசாருக்கு தகவல் கிடைத்தது. சம்பவ இடத்திற்கு விரைந்த போலீசார், இரு சடலங்களையும் மீட்டு, பிரேத பரிசோதனைக்காக, அரசு மருத்துவமனைக்கு அனுப்பினர்.

சிறார்களின் இறப்பு குறித்து, வீட்டில் இருந்து 4 கி.மீ., தொலைவில் உள்ள குட்டைக்கு சிறுவர்கள் எப்படி சென்றனர் என்பது குறித்தும், போலீசார் தீவிர விசாரணை மேற்கொண்டுள்ளனர்.