கோவை காஞ்சி காமகோடி பீடம் தலைமை அர்ச்சகர் சிவக்குமார் முன்னிலையில் மகா கும்பாபிஷேக விழா யாகம் நடந்தது.

கடந்த, 30ம் தேதி காலை 6:00 மணிக்கு முகூர்த்த கால் நடுதல் நிகழ்வுடன் கும்பாபிஷேக விழா துவங்கியது. நேற்று அதிகாலை 5:00 மணிக்கு, இரண்டாம் கால யாகசாலை பூஜை நடந்தது. மகா தீபாராதனையை தொடர்ந்து, கலசங்கள் புறப்பாடு நிகழ்ச்சி நடந்தது.

மதுரை அழகர் கோவில், 18ம் படி, கருப்பண்ணசாமி கோவிலில் இருந்து ராக்காயி தீர்த்தம் கொண்டு வரப்பட்டு காலை 7:50 மணிக்கு கோபுர விமானத்தில் உள்ள கும்பத்துக்கு ,புனித நீர் ஊற்றப்பட்டு மகா கும்பாபிஷேகம் நடந்தது.

காலை 10:00 மணிக்கு மகா அபிஷேகம், சங்கிலி கருப்பராயன் மற்றும் பரிவார தெய்வங்கள் கணபதி, கன்னிமார், முனியப்பன் ஆகிய தெய்வங்களுக்கு, ராக்காயி தீர்த்தம் ஊற்றப்பட்டு, மகா அபிஷேகம் அலங்கார தீபாராதனை காட்டப்பட்டது.

மதியம் 12:00 மணிக்கு, பக்தர்களுக்கு மகா அன்னதானம் நடந்தது. இரவு, 7:00 மணிக்கு உற்சவர் திருவீதி உலா மற்றும் வாண வேடிக்கை நிகழ்ச்சி நடந்தது.