'கட உபநிஷத்' சொற்பொழிவு

'இறைவனும், உயிரும் வேறில்லை', 'சுய அறிவை தேடுங்கள், அதுவே மிக உயர்ந்த பேரின்பம்' போன்ற பல தத்துவங்களை கட உபநிஷத் விளக்குகிறது. டாடாபாத், 104, மூன்றாவது வீதியில், ஆர்ஷா அவிநாஷ் பவுண்டேஷனில், 'கட உபநிஷத் ' சொற்பொழிவு, மாலை, 5:00 மணிக்கு நடக்கிறது.

சித்திரைத் திருவிழா

குனியமுத்துார், அறம்வளர்த்த அம்மன் கோவிலில், சித்திரைத் திருவிழா, கடந்த 14ம் தேதி முதல் நடந்து வருகிறது. இன்று, மாலை, 6:00 மணிக்கு, சத்தியமங்கலம், 7 சிட்டி பாய்ஸ் குழுவினர் வழங்கும், கம்பத்தாட்டம் நடக்கிறது.

ஆண்டு விழா

அரசூர், கே.பி.ஆர்., பொறியியல் மற்றும் தொழில்நுட்பக் கல்லுாரி சார்பில், 'விருக்சம்' என்ற தலைப்பில் ஆண்டு விழா நடக்கிறது. கல்லுாரி கலையரங்கில், காலை, 10:00 மணிக்கு நடக்கும் விழாவில், பல்வேறு கலை நிகழ்வுகள் நடக்கின்றன.

போஸ்டர் தயாரிப்பு போட்டி

கருமத்தம்பட்டி, ஜான்சன்ஸ் தொழில்நுட்பக் கல்லுாரி சார்பில், போஸ்டர் வரைதல் போட்டி நடக்கிறது. 'என் ஆரோக்கியம் என் உரிமை' என்ற பெயரில், போஸ்டர் தயாரிக்கும் போட்டி, மதியம், 2:00 மணிக்கு நடக்கிறது.

விருது வழங்கும் விழா

நேரு தொழில்நுட்பக் கல்லுாரி சார்பில், இன் - ஹவுஸ் விருது வழங்கும் விழா மதியம், 2:00 மணிக்கு நடக்கிறது. நேரு குழும தலைவர் மற்றும் நிர்வாக இயக்குனர் கிருஷ்ணதாஸ், சி.இ.ஓ., மற்றும் செயலாளர் கிருஷ்ண குமார் கலந்துகொள்கின்றனர்.

பட்டமளிப்பு விழா

குனியமுத்துார், சுகுணாபுரம், ஸ்ரீ கிருஷ்ணா கலை மற்றும் அறிவியல் கல்லுாரியில், மதியம், 2:00 மணிக்கு பட்டமளிப்பு விழா நடக்கிறது.

* காளப்பட்டி ரோடு, சுகுணா பொறியியல் கல்லுாரியில், ஏழாவது பட்டமளிப்பு விழா, காலை, 10:30 மணிக்கு நடக்கிறது.

புத்தகக் கண்காட்சி

மக்கள் வாசிப்பு இயக்கம் சார்பில், கோவை புத்தகத் திருவிழா என்ற தலைப்பில், புத்தகக் கண்காட்சி நடக்கிறது. நவஇந்தியா பேருந்து நிறுத்தம் அருகே, மீனாட்சி ஹாலில், காலை, 11:00 முதல் இரவு, 9:00 மணி வரை கண்காட்சி நடக்கிறது.

ஓவியக் கண்காட்சி

கஸ்துாரி சீனிவாசன் அறநிலையம் சார்பில், 'ரிதமிக் பேலட் தொடர்' என்ற, ஓவியக் கண்காட்சி நடந்து வருகிறது. பல்வேறு ஓவியர்கள் தங்கள் ஓவியங்களை காட்சிப்படுத்தியுள்ளனர். காலை, 10:00 முதல் மாலை, 6:30 மணி வரை, கண்காட்சியை பொதுமக்கள் பார்வையிடலாம்.