கிணத்துக்கடவு தினசரி மார்க்கெட்டில் நேற்று, தக்காளி (15 கிலோ பெட்டி) - 250, தேங்காய் (ஒன்று) - 40, கத்தரிக்காய் - 8, வெண்டைக்காய் - 30, முள்ளங்கி - 18, வெள்ளரிக்காய் - 22, பூசணிக்காய் - 10, அரசாணிக்காய் - 8, பாகற்காய் - 30, புடலை - 15, சுரைக்காய் - 10, பீக்கங்காய் - 40, பீட்ரூட் - 15, அவரைக்காய் - 30, பச்சை மிளகாய் - 20 ரூபாய்க்கு விற்பனையானது.

சென்ற வாரத்தை விட தற்போது, தக்காளி (பெட்டி) - 20, தேங்காய் (ஒன்று)- 4, வெள்ளரிக்காய் - 7 ருபாய் விலை அதிகரித்துள்ளது.

கத்தரிக்காய், முள்ளங்கி, பூசணிக்காய் - 2, சுரைக்காய், பீக்கங்காய், அவரைக்காய் - 5 மற்றும் பாகற்காய், புடலை மற்றும் பச்சை மிளகாய் - 10 ரூபாய் விலை குறைந்துள்ளது.

வியாபாரிகள் கூறியதாவது: கடந்த வாரத்தைக் காட்டிலும் இந்த வாரம் காய்கள் விலை கணிசமாக குறைந்துள்ளது. மேலும் தேங்காய் தக்காளி மற்றும் வெள்ளரிக்காய் விலை மட்டும் உயர்ந்துள்ளது.

மற்ற அனைத்து காய்களும் விலை குறைவாக உள்ளது. கோடை காலம் ஆரம்பமாகும் தருவாயில் இருப்பதால், வரும் நாட்களில் காய்கள் வரத்து குறைவாகவும் விலை அதிகமாகவும் இருக்க வாய்ப்புள்ளது.

இவ்வாறு, தெரிவித்தனர்.