என்னைப்போன்ற கிராமப்புற மாணவர்களுக்கும், உயர்கல்வி படிப்புகள் குறித்து புரிதல் ஏற்படுத்த, வழிகாட்டி நிகழ்ச்சி நடத்தும் தினமலர் நாளிதழுக்கு நன்றி. இரு நாட்களாக வருகிறேன். பல தகவல்களை குறிப்பெடுத்துள்ளேன்.

- தக் ஷன்யா, 17, செஞ்சேரிபாளையம்.

'மெரைன் படிப்புகள்'

மெரைன் சார்ந்து இத்தனை படிப்புகள் இருப்பதே, இங்கு வந்து தான் தெரிந்து கொண்டேன். என்ன படிப்பதென்றே தெரியாமல் குழப்பமாக இருந்தது. நாளையும் நிகழ்ச்சிக்கு வந்த பிறகு, திட்டமிட முடிவு செய்துள்ளேன்.

- மதுமிதா, 17, நீலாம்பூர்.

'பிளஸ் 1 பாடப்பிரிவு'

என் அக்கா பிளஸ் 2 முடித்திருக்கிறார். நான் தற்போது தான் பத்தாம் வகுப்பு பொதுத்தேர்வு எழுதுகிறேன். வழிகாட்டி நிகழ்ச்சியில், பிளஸ் 1 வகுப்பில் எந்த துறையை தேர்வு செய்யலாம் என்பதும் தெரிந்து கொண்டேன்.

- அகிலேஷ், 15, கோவை.

'வேளாண் படிப்புகள்'

வேளாண் பல்கலையின் கீழ் வழங்கும் படிப்புகள், உறுப்பு கல்லுாரி பற்றி விரிவாக விளக்கினர். எப்படி விண்ணப்பிப்பது என்பது முதற்கொண்டு, பல வழிகாட்டுதல்கள் வழங்கப்பட்டதால், ரிசல்ட் வந்த பிறகு, விண்ணப்பிக்க திட்டமிட்டுள்ளேன்.

- ஸ்னேகா, 17, நீலாம்பூர்.

'துறை சார்ந்த தகவல்கள்'

பிளஸ் 2 பிறகு என்ன படிப்பதென்றே தெரியாமல், குழப்பமாக இருந்தது. இருநாட்களாக வழிகாட்டி நிகழ்ச்சிக்கு வருவதால், ஓரளவுக்கு அனைத்து துறை சார்ந்தும், அடிப்படை தகவல்கள் தெரிந்து கொண்டேன்.

- சுவிகிறிஸ்டி, 17,

பல்லடம்.

'பேரனுக்காக வந்தேன்'

நான் தினமலர் நாளிதழின் நீண்டகால வாசகர். என் பேரன் பிளஸ் 2 முடித்திருக்கிறார். வழிகாட்டி நிகழ்ச்சி நடப்பதாக, செய்தித்தாளில் பார்த்ததும், குடும்பத்தோடு வந்துவிட்டோம்.

- வேணுகோபால், 76,

கோவை.

'விரிந்திருக்கும் வாய்ப்புகள்'

இன்ஜினியரிங் துறையில், இத்தனை படிப்புகள் இருக்கிறதா என்பதே, அரங்கிற்கு வந்த பிறகு தான் தெரிந்தது. சி.ஏ., படிப்புகள் குறித்தும் நிறைய தகவல்கள் தெரிந்து கொண்டேன். மிகவும் பயனுள்ளதாக இருந்தது.

- பாரதி, 42,

கோபிசெட்டிபாளையம்.