எஸ்.பி., கார்த்திக்கேயன் தலைமையில், ஏ.டி.எஸ்.பி., டி.எஸ்.பி., இன்ஸ்பெக்டர்கள், எஸ்.ஐ., மற்றும் போலீசார், ஊர்க்காவல் படையினர் என, 1,100 போலீசார் பாதுகாப்பு பணியில் ஈடுபடுகின்றனர்.

கோவில் முகப்பு பகுதி, வி.வி.ஐ.பி., பகுதி, அவசரப்பகுதிகளிலும், கோவில் மேற்பகுதியில், 'ஏ' முதல், 'எப்' வரையான முகப்பு பகுதிகளிலும் போலீசார் பாதுகாப்பு பணியில் ஈடுபட உள்ளனர்.

ஒவ்வொரு பகுதிக்கு ஏற்ப, இன்ஸ்பெக்டர்கள், போலீசார், ஊர்க்காவல் படையினருக்கு பணிகள் பிரித்து கொடுக்கப்பட்டுள்ளன. அசம்பாவிதங்களை தடுக்கும் வகையில், தீவிர கண்காணிப்பு செய்யப்படும் என போலீசார் தரப்பில் தெரிவிக்கப்பட்டுள்ளது.

பொதுமக்களிடம், 'பாதுகாப்புக்கு நாங்க இருக்கோம்,' என்ற உத்தரவாதம் தரும் வகையில், பணிகளை மேற்கொள்ள வேண்டும் என, உயர் அதிகாரிகள், போலீசாருக்கு உரிய அறிவுரை வழங்கியுள்ளனர்.