இரு நாட்கள் நடக்கும் போட்டியில், 300க்கும் மேற்பட்ட மாணவ, மாணவியர் பங்கேற்றுள்ளனர். மாவட்ட உடற்கல்வி ஆய்வாளர் குமரேசன், போட்டிகளை துவக்கி வைத்தார். தேவாங்க பள்ளியில் நேற்று, 17 வயதுக்குட்பட்ட, 30 கிலோ எடைக்கும் குறைவான மாணவியருக்கான சிலம்பம் போட்டி நடந்தது.

இதில், மாரண்ண கவுடர் பள்ளி மாணவி மது வர்ஷினி, பிரசன்டேஷன் கான்வென்ட் பள்ளி மாணவி பிரகதீஷ்வரி ஆகியோர், முதல் இரு இடங்களையும், 35 கிலோவுக்கு குறைவான போட்டியில் பிரசன்டேஷன் மாணவி மதுஸ்ரீ, ஒக்கிலியர் காலனி மாநகராட்சி பள்ளி மாணவி தனலட்சுமி, ஆர்.எஸ். புரம் மாதிரி பள்ளி மாணவி நிஷிகா ஆகியோர், முதல் மூன்று இடங்களையும் பிடித்தனர்.

அதேபோல், 40 கிலோவுக்கு குறைவான பிரிவில், ஒப்பணக்கார வீதி மாநகராட்சி பள்ளி மாணவி ஜெயலட்சுமி, ஆர்.எஸ்.புரம், மாதிரி பள்ளி மாணவி தக்ஷன்யா, பிரசன்டேஷன் பள்ளி மாணவி மேதா ஆகியோர், முதல் மூன்று இடங்களை பிடித்தனர். தவிர, 50 கிலோவுக்கு குறைவான போட்டியில், சி.சி.எம்.ஏ., பள்ளி மாணவி அபிநயா, பிரசன்டேஷன் பள்ளி மாணவி மித்ரா, ஆர்.எஸ்.புரம், மாநகராட்சி மாதிரி பள்ளி மாணவி கீர்த்தனா ஆகியோர் முதல் மூன்று இடங்களை வென்றனர். தொடர்ந்து, போட்டிகள் நடக்கின்றன.