ஒரு மார்க்கமாக வாகனங்கள் வரிசையாக சென்றால், எதிர் திசையில் வாகனங்கள் வெகுநேரம் காத்திருக்கும் சூழல் உள்ளது. அதனால், நான்கு வழிச்சாலையாக மாற்ற முடிவு செய்யப்பட்டிருக்கிறது.

அதில், மரப்பாலம் ரயில்வே சுரப்பாதை பகுதியில், 82.7 மீட்டர் நீளம், 21.9 மீட்டர் அகலத்துக்கு 'கான்கிரீட் பாக்ஸ்' முறையில் நான்கு வழிச்சாலையாக சுரங்கப்பாதையை விஸ்தரிக்கும் பணியை, பாலக்காடு ரயில்வே கோட்டம் மேற்கொள்கிறது.

மாநில நெடுஞ்சாலைத்துறை (திட்டம்) அதிகாரிகள் கூறியதாவது:

மரப்பாலத்தில் ரயில்வே பணி துவங்க இருக்கிறது. ஒரே ஒரு நாள் மாற்று வழித்தடத்தில் வாகனங்களை இயக்கிப் பார்த்தோம்.

என்னென்ன பிரச்னை வந்தது என்பதை ஆய்வு செய்து, தீர்வு ஏற்படுத்தி வருகிறோம். வாகனங்களை மாற்றுவழித்தடத்தில் அனுப்பி விட்டு, மற்ற வேலைகள் செய்யப்படும். மரப்பாலத்தின் இரு புறமும் நிலம் கையகப்படுத்தி, அகலப்படுத்தும் பணியை மாநில நெடுஞ்சாலைத்துறை செய்ய உள்ளது. மொத்தம், 16.2 மீட்டர் அகலத்துக்கு நான்கு வழிச்சாலையாக அமையும்.

தலா, 7.5 மீட்டர் வீதம் இருபுறமும் சாலை, மையத்தில், 1.2 மீட்டர் மையத்தடுப்பு அமைக்கப்படும். சர்வீஸ் ரோடு, தலா 5.5 மீட்டர் அகலத்தில் அமையும். அருகாமையில், மழை நீர் வடிகால் கட்டப்படும்.

மொத்தம் 800 மீட்டர் நீளத்துக்கு நான்கு வழிச்சாலை உருவாக்க, 'டிசைன்' தயாரித்து வருகிறோம். உத்தேசமாக, ரூ.102.5 கோடி தேவைப்படுமென, மதிப்பீடு தயாரித்துள்ளோம். தமிழக அரசின் நிர்வாக அனுமதிக்கு, கருத்துரு அனுப்பியிருக்கிறோம்.

இவ்வாறு, அவர்கள் கூறினர்.