ஜெர்மன் மொழியில், கடந்த 2009ல் வெளிவந்த ஒரு படம் சோல் கிச்சன். பைட்டி அகின் இயக்கிய நகைச்சுவை திரைப்படமான இதில், ஹம்பர்க்கில், ரெஸ்டாரன்ட்டின் உரிமையாளன், சமையல் கலைஞர் ஸீனோஸ் சந்திக்கும் சவால்களை விவரிக்கிறது.

ஹம்பர்க்கில் தொழிலாளர்களுக்கான உணவைத் தயாரித்து வழங்கும் இந்த ரெஸ்டாரன்ட், கடும் பொருளாதார நெருக்கடியில் சிக்கி தவிக்கிறது. அடுத்தது என்ன என்று மிக சுவாரஸ்யமாக நகர்த்துகிறது, இத்திரைப்படம்.

புதுப்பிக்கப்பட்ட உணவு விடுதி, கோலாகலமாக திறக்கப்படுகிறது. தன்னுடைய உணவு விடுதியை எப்படி ஸீனோஸ் மீட்கிறான்? என்பதே கதை. குறும்படம், ஆவணப் படம் இயக்குபவர்களுக்கும், நாளைய இயக்குநர்களுக்கும், இப்படம் மிகச்சிறந்த ஒரு திரைக்கதையை கொடுக்கும் என நம்பிக்கை தெரிவிக்கப்படுகிறது. 2010 வெனிஸ் திரைப்பட விழாவின் பிரீமியர் காட்சியாக திரையிடப்பட்டது.

கோவை அவிநாசி சாலையில், கோதே சென்ட்ரம், மினி ஆடிட்டோரியத்தில், இன்று மாலை 5:00 மணியளவில், திரைப்படம் திரையிடப்படுகிறது. 12 வயதுக்கு மேற்பட்டவர்களுக்கு பார்க்க அனுமதி.

ஜெர்மன் மற்றும் ஆங்கில வசன வரிகள் கொண்டது. அனுமதி இலவசம். முதலில் வருபவர்களுக்கு முன்னுரிமை வழங்கப்படுகிறது. விவரங்களுக்கு: 95855 46299, 95855 19471.