குமரன்குன்று, அருள்மிகு கல்யாண சுப்பிரமணிய சுவாமி கோவிலில், 61ம் ஆண்டு ஆடி கிருத்திகை விழா மற்றும் அருணகிரிநாதர் விழா வரும் 20ம் தேதி நடைபெறுகிறது.

காலை 9:00 மணிக்கு நாம ஜெபமும் கலச பூஜையும் நடக்கிறது. இதையடுத்து கல்யாண சுப்பிரமணியசாமிக்கு பல்வேறு திரவியங்களால் அபிஷேக பூஜையும், அலங்கார பூஜையும் நடைபெறுகிறது.

காலை 11:00 மணிக்கு பஜனை நடைபெறுகிறது. மதியம் 12:30 மணிக்கு கல்யாண சுப்பிரமணிய சுவாமி திருவீதி உலா நடக்கிறது. ஏற்பாடுகளை ஆடி கிருத்திகை விழா குழுவினர் மற்றும் அறங்காவலர்கள் செய்து வருகின்றனர்.