பாலக்காடு -- கோவை மார்க்கமாக, செட்டிபாளையம் பிரிவில் வலதுபுறம் திரும்பி, விறகுக்கடை பாலம் வழியாக ஏ.சி.சி தொழிற்சாலை ரோடு வழியாகச் சென்று, கோவை சாலையை அடைகின்றன.

இதில், மதுக்கரை மார்க்கெட் ரோடு வழியாக, செட்டிப்பாளையம் பிரிவு வரை சாலை மிகவும் குறுகியதாக இருக்கிறது. இவ்வழித்தத்தில் பஸ்கள், கார் உள்ளிட்ட வாகனங்கள் அதிவேகமாக இயக்கப்படுகின்றன. சாலையின் எல்லைக்கோட்டை தாண்டி, வாகனங்கள் செல்வதால், பாதசாரிகள் அச்சப்படுகின்றனர்.

இரு நாட்களுக்கு முன், மேட்டாங்காடு பகுதி அருகே, பாலக்காடு சென்று கொண்டிருந்த கார், இரு சக்கர வாகனம் மீது மோதியதில்,, 50 வயதை கடந்தவருக்கும், பெண்ணுக்கும் காயம் ஏற்பட்டது. எனவே, மதுக்கரை மார்க்கெட் பகுதியில் இருந்து செட்டிபாளையம் பிரிவு வரை, ஆங்காங்கே வேகத்தடை அமைத்தால் மட்டுமே, இச்சாலையில் விபத்து ஏற்படாமல் தடுக்க முடியும்.

நெடுஞ்சாலைத்துறை அதிகாரியிடம் கேட்ட போது, 'மேற்கண்ட சாலையில், போதிய இடங்களில் வேகத்தடை அமைக்க, சாலை பாதுகாப்பு நிதி கேட்டு, கலெக்டருக்கு கடிதம் வழங்கப்பட்டுள்ளது.நிதி வந்தவுடனோ அல்லது அவசர நிலையை உணர்ந்தோ, விரைவில் வேகத்தடை அமைக்கப்படும்' என்றார்.