பயிர்க்கடன், கால்நடை பராமரிப்பு மூலதன கடன் மற்றும் மாற்றுத்திறனாளி கடன்கள் பெற்று, கடனுக்கான அசலை உரிய காலத்துக்குள் திருப்பி செலுத்துவோருக்கு, பூஜ்ஜிய சதவீத வட்டியில் கடன் வழங்கப்படுகிறது.

2021--22 முதல் கடந்த அக்., 31 வரை, ஒரு லட்சத்து 71 ஆயிரத்து 657 பேருக்கு, ரூ.2075.25 கோடி கடன் வழங்கப்பட்டது. இக்கடன் தொகை, கடந்த 5 ஆண்டுகளில் வழங்கப்பட்ட மொத்த கடனில், 15.56 சதவீதம் ஆகும்.

சுய உதவிக்குழு கடன், ஆதரவற்ற விதவை கடன், நாட்டுப்புற கலைஞர்கள் கடன், சிறகுகள் திட்டத்தின் கீழ் மூன்றாம் பாலினத்தவர்களுக்கு கடன்கள், டாம்கோ, தாட்கோ, டாப்செட்கோ ஆகிய கடன்களுக்கு, 2021--22 முதல், கடந்த அக். 31ம் தேதி வரை 60 ஆயிரத்து 495 பேருக்கு, ரூ.557.89 கோடி கடன் வழங்கப்பட்டுள்ளது.

சுய உதவிக்குழு கடன், 2021- முதல் கடந்த அக்., 31ம் தேதி வரை கடன் வழங்க, மொத்த குறியீடு ரூ.437.50 கோடி. தற்போது வரை, ரூ.522 கோடி வழங்கப்பட்டுள்ளது. மொத்த குறியீட்டிற்கு 119.54 சதவீதமாகும்.

கலைஞர் மகளிர் உரிமை தொகை திட்டத்தின் கீழ், 53 ஆயிரத்து 568 பேருக்கும், தமிழ் புதல்வர் திட்டங்களின் கீழ் 8,031 மாணவர்களுக்கும், புதுமைப்பெண் திட்டத்தின் கீழ் 1,154 மாணவியருக்கும், கூட்டுறவு வங்கிகளில், ஜீரோ பேலன்ஸ்' கணக்குகள் துவங்கி, பயனாளிகள் மாதந்தோறும் நிதி உதவி பெற வழிவகை செய்யப்பட்டுள்ளது.

இவ்வாறு, அவர் பேசினார்.