பல்வேறு சுற்றுகளை அடுத்து நடந்த முதல் அரையிறுதியில், தனலட்சுமி சீனிவாசன் இன்ஜி., கல்லுாரி அணியும், ஸ்ரீ கிருஷ்ணா இன்ஜி., மற்றும் தொழில்நுட்பக் கல்லுாரி அணியும் மோதின. இதில், 32-26 என்ற புள்ளிக்கணக்கில், தனலட்சுமி சீனிவாசன் கல்லுாரி அணி வெற்றி பெற்றது.

இரண்டாம் அரையிறுதியில், இந்துஸ்தான் இன்ஜி., மற்றும் தொழில்நுட்பக் கல்லுாரி அணியும், ஜே.சி.டி., இன்ஜி., கல்லுாரி அணியும் மோதின. இதில், இந்துஸ்தான் கல்லுாரி அணி, 38-17 என்ற புள்ளிக்கணக்கில் வென்று, இறுதிப்போட்டிக்கு தகுதி பெற்றது.

பரபரப்பான இறுதிப்போட்டியில், இந்துஸ்தான் இன்ஜி., மற்றும் தொழில்நுட்பக் கல்லுாரி அணி, 52-30 என்ற புள்ளிக்கணக்கில், தனலட்சுமி சீனிவாசன் கல்லுாரி அணியை வென்று முதலிடம் பிடித்தது.

வெற்றி பெற்ற அணிகளுக்கு, இந்துஸ்தான் கல்வி நிறுவனங்களின் நிர்வாக அறங்காவலர் சரஸ்வதி கண்ணய்யன் பரிசு வழங்கினார். முதல்வர் ஜெயா, உடற்கல்வி இயக்குனர் ரவிக்குமார் உள்ளிட்டோர் உடனிருந்தனர்.