அவிநாசி ரோடு, கோயம்புத்துார் இன்ஸ்டிடியூட் ஆப் டெக்னாலஜி(சி.ஐ.டி.,) மைதானத்தில், அண்ணா பல்கலைக்கு உட்பட்ட கல்லுாரிகளுக்கு இடையே(9வது மண்டலம்) கூடைப்பந்து, டென்னிஸ் உள்ளிட்ட போட்டிகள் நடத்தப்பட்டன.

ஆண்களுக்கான கூடைப்பந்து இறுதிப்போட்டியில், ஸ்ரீ சக்தி இன்ஜி., மற்றும் தொழில்நுட்ப கல்லுாரி அணி, 68-62 என்ற புள்ளி கணக்கில் பி.எஸ்.ஜி., டெக்., அணியை வென்று முதலிடம் பிடித்தது. கே.பி.ஆர்., கல்லுாரி அணி, 70-19 என்ற புள்ளி கணக்கில், சி.ஐ.டி., கல்லுாரி அணியை வென்று மூன்றாம் இடம் பிடித்தது.

கால்பந்து இறுதி போட்டியில், பி.எஸ்.ஜி., ஐ டெக்., மற்றும் என்.ஜி.பி., கல்லுாரி அணிகள் மோதின. இரு அணிகளும் கோல் அடிக்காத நிலையில், பெனால்டி வாய்ப்பில் ஒரு கோல் அடித்து, பி.எஸ்.ஜி., ஐ டெக்., அணி வெற்றி பெற்றது.

ஆண்களுக்கான டென்னிஸ் போட்டியில், சி.ஐ.டி., கல்லுாரி அணி, 2-0 என்ற செட் கணக்கில் பி.எஸ்.ஜி., டெக்., அணியை வென்று முதலிடம் பிடித்தது.

கே.பி.ஆர்., கல்லுாரி அணி, 2-0 என்ற செட் கணக்கில் ஸ்ரீ சக்தி இன்ஜி., மற்றும் தொழில்நுட்ப கல்லுாரி அணியை வென்று, மூன்றாம் இடம் பிடித்தது.

ஹாக்கி இறுதி போட்டியில், ஸ்ரீ சக்தி கல்லுாரி அணி, 3-0 என்ற கோல் கணக்கில் பி.எஸ்.ஜி., கல்லுாரி அணியை வென்று முதலிடம் பிடித்தது.

சி.ஐ.டி., கல்லுாரி அணி, 1-0 என்ற கோல் கணக்கில், பார்க் கல்லுாரி அணியை வென்று மூன்றாம் இடம் பிடித்தது.வெற்றி பெற்றவர்களுக்கு, சி.ஐ.டி., கல்லுாரி முதல்வர் ராஜேஸ்வரி பரிசுகள் வழங்கினார்.