இச்சங்கத்தின் அன்றாட பணிகள் மற்றும் பிராணிகள் நலம் சார்ந்த செயல்களை கள அளவில் மேற்கொள்ள, பிராணிகள் வதை தடுப்பு ஒருங்கிணைப்பாளர் பதவிக்கு, கோவை மாவட்டம் முழுவதும் பயணிக்க விருப்பமுள்ள நபர்களிடம் இருந்து, விண்ணப்பங்கள் வரவேற்கப்படுகின்றன.

பிளஸ் 2 தேர்ச்சி பெற்றவர்கள்; 25 - 45 வயது; இரு சக்கர வாகனம் ஓட்டுனர் உரிமம் பெற்றவர்கள்; பிராணிகள் நலம் சார்ந்த அடிப்படை விபரங்கள் அறிந்தவர்கள்; கம்ப்யூட்டர் கையாளும் திறன் உடையவர்கள். வாரத்தில் ஆறு நாட்கள் காலை, 9:00 முதல் மாலை, 6:00 மணி வரை பணியாற்ற விரும்புவோர் விண்ணப்பிக்கலாம்.

இப்பணி தற்காலிகமானது. தொகுப்பூதியமாக, 15 ஆயிரம் ரூபாய் வழங்கப்படும். 2 புகைப்படங்கள், ஆதார் அட்டை, கல்வித்தகுதி சான்றுகளுடன் வரும், 20ம் தேதி மாலை, 5:30 மணிக்குள், கோவை இஸ்மாயில் வீதியில் உள்ள, கால்நடை பன்முக மருத்துவமனை வளாகத்தில் செயல்படும், மண்டல இணை இயக்குனர் அலுவலகத்துக்கு, விண்ணப்பங்களை நேரிலோ அல்லது தபால் வாயிலாகவோ அனுப்பலாம்.

விபரங்களுக்கு, 0422 - 2381 900 என்ற எண்ணுக்கு, தொடர்பு கொள்ளலாம் என, கோவை கலெக்டர் கிராந்திகுமார் தெரிவித்துள்ளார்.