இந்நிலையில், சுற்றுலா பயணியர் வாகனங்களை கட்டுப்படுத்தும் வகையிலும், வால்பாறை, டாப்சிலிப், ஆனைமலை புலிகள் காப்பகம் ஆகியவை சுற்றுச்சூழல் ரீதியான பகுதிகள் என்பதால், சென்னை உயர்நீதி மன்றம் வால்பாறைக்கு செல்ல இ -பாஸ் நடைமுறையை செயல்படுத்த உத்தரவிட்டது.

அதன்படி, வால்பாறைக்கு நவம்பர் 1ம் தேதி முதல் இ-பாஸ் கட்டாயமாக்கப்பட்டுள்ளது. வால்பாறைக்கு சுற்றுலா வருவோர், தமிழ்நாடு அரசின் அதிகார பூர்வமான https://WWW.tnepass.in.tn.gov.in என்ற இணையதள பக்கத்தில் தங்களது விபரங்களை பதிவு செய்து கொள்ளலாம். சுற்றுலா வாகனங்கள் தனித்தனியாக இ-பாஸ் பெற வேண்டும் என, அறிவிக்கப்பட்டுள்ளது.

வனத்துறை அதிகாரிகள் கூறியதாவது:

சுற்றுலா பயணியர் வருகையால் வால்பாறையின் சுற்றுச்சூழல் வெகுவாக பாதிக்கப்பட்டுள்ளது.

சுற்றுலா வாகனங்களின் எண்ணிக்கையை குறைக்கும் வகையில் சென்னை உயர் நீதிமன்ற உத்தரவு படி, நவ., 1ம் தேதி முதல் வால்பாறைக்கு வரும் சுற்றுலா பயணியர் இ-பாஸ் பெற வேண்டும்.

இ-பாஸ் இல்லாத சுற்றுலா வாகனங்கள் ஆழியாறு மற்றும் தமிழக கேரள எல்லையில் உள்ள வனத்துறை சோதனை சாவடிகளில் நிறுத்தி வைக்கப்படும். வாகனங்களுக்கு மட்டுமே இ-பாஸ் நடைமுறை கொண்டு வரப்படுகிறது. அரசு பஸ்களில் வருவோருக்கு இ-பாஸ் தேவையில்லை.

இவ்வாறு, கூறினர்.