திருப்பூரைச் சேர்ந்தவர் துரை வளவன், 46. விடுதலை சிறுத்தைகள் கட்சியின் மாநில துணை செயலாளர். கடந்த 2010ல் அடிதடி வழக்கு; 2015ல் மதுவிலக்கை அமல்படுத்த வலியுறுத்தி மதுக்கடை மீது கல் வீசி தாக்க திட்டம் தீட்டிய வழக்கு; 2019ல் அடிதடி வழக்கு என, மூன்று வழக்குகளில் திருப்பூர் தெற்கு போலீசாரால் இவர் கைது செய்யப்பட்டார்.

வழக்கு விசாரணை திருப்பூர் ஜே.எம்- 2 கோர்ட்டில் நடந்து வருகிறது. கடந்த 21ம் தேதி வழக்கு விசாரணையின் போது துரை வளவன் ஆஜராகவில்லை. மூன்று வழக்குகளிலும் கோர்ட் பிடிவாரன்ட் வழங்கி உத்தரவிட்டது. இவ்வழக்கு தொடர்பாக, துரை வளவனை தெற்கு போலீசார் கைது செய்தனர்.