இந்தாண்டு, மார்கழி திருவாதிரை உற்சவ திருவிழா, கடந்த 4ம் தேதி, காப்பு கட்டுதலுடன் துவங்கியது. பத்து நாட்கள் நடக்கும் இத்திருவிழாவின், 9 நாட்களும், காலையும், மாலையும் திருவெம்பாவை உற்சவம், மாணிக்கவாசகர் திருவீதியுலா நடந்தது.

ஒன்பதாம் நாளான நேற்று இரவு, கிளி வாகன சேவை, அன்னூஞ்சல் நடத்தப்பட்டு, சோமாஸ்கந்தர் திருவீதியுலா நடந்தது.

இன்று அதிகாலை, 3:30 மணிக்கு நடை திறக்கப்பட்டு, 4:30 மணிக்கு, நடராஜ பெருமானுக்கு, 30 வகையான மங்கள திரவியங்கள் கொண்டு, அபிஷேகம் செய்யப்படும். காலை, 8:00 மணிக்கு, ஆருத்ரா தரிசன காட்சியும், அதனைத்தொடர்ந்து, சுவாமி திருவீதியுலாவும் நடக்கிறது.