குடியரசு தினத்தை முன்னிட்டு நேற்று சிக்காரம்பாளையம் ஊராட்சி அலுவலகத்தில், செயலாளர் நேசராணி தலைமையில் கிராம சபை கூட்டம் நடந்தது. இதில் மக்களுக்கு தொழுநோய் தொடர்பான விழிப்புணர்வு ஏற்படுத்தப்பட்டது. மேலும், பிளாஸ்டிக் கவர்கள் வேண்டாம், மஞ்சள் பை தான் உபயோகப்படுத்த வேண்டும் என மக்களுக்கு மஞ்சள் பை வழங்கி விழிப்புணர்வு ஏற்படுத்தப்பட்டது.

கூட்டத்தில் கலைஞர் கனவு இல்லம் தொடர்பாக விண்ணப்பங்கள் பெறப்பட்டன. மத்திய அரசின் விவசாய நிதி உதவி திட்டம் தொடர்பாக விண்ணப்பிக்க விவசாயிகளுக்கு அறிவுறுத்தப்பட்டது.

பெள்ளாதியில் நடந்த கிராம சபை கூட்டத்தில், செயலாளர் சுரேஷ்குமார் தலைமை தாங்கினார். தெரு விளக்குகள் பற்றாக்குறையால் திருடர்கள் நடமாட்டம் உள்ளதாக மக்கள் புகார் தெரிவித்தனர். மேலும், மக்களின் கோரிக்கைகளான சாக்கடை வடிகால், குக்கிராமங்களில் உள்ள அனைவருக்கும் ஜல் ஜீவன் திட்டத்தில் குடிநீர் இணைப்பு போன்ற அடிப்படை வசதிகள் மேம்படுத்தி தர தீர்மானம் நிறைவேற்றப்பட்டது.

-----