கிணத்துக்கடவு தினசரி மார்க்கெட்டில், விவசாயிகள் தங்கள் விளைபொருட்களை விற்பனை செய்கின்றனர். இங்கு காய்கறிகள் மற்றும் வாழைத்தார் விற்பனை உடனுக்குடன் நடப்பதால் விவசாயிகள் ஆர்வத்துடன் வருகின்றனர்.

தற்போது, மார்க்கெட்டில், செவ்வாழை கிலோ - 70, நேந்திரன், கதளி --- 35, பூவன் -- 30, சாம்பிராணி வகை --- 38, ரஸ்தாலி --- 40 ரூபாய்க்கு விற்பனை ஆனது.

கடந்த, 10 நாட்களுக்கு முன் இருந்த விலையை விட தற்போது செவ்வாழை கிலோவுக்கு, 5 --- 10; சாம்பிராணி வகை 8 --- 12, நேந்திரன் --- 10, கதளி --- 5 ரூபாய் விலை குறைந்துள்ளது. மேலும், பூவன் வகை வாழைத்தார் மட்டும் கிலோவுக்கு 5 ரூபாய் விலை அதிகரித்துள்ளது.

வியாபாரிகள் கூறுகையில், 'மார்க்கெட்டில், மொத்தமாக, 50க்கும் குறைவான வாழைத்தார்கள் வரத்து இருந்தது. வெளியூர் வரத்தும் இல்லை. ஆனாலும், வாழைத்தார் விலை சரிந்ததால், விவசாயிகள் அதிருப்தியடைந்தனர்,' என்றனர்.